It hat efkes duorre, ik ha it jimme wol ik leauwe al oardel jier tasein, mar no is er der dan echt, myn nije album ‘Romte’. Foarearst allinnich noch op CD, mar yn de rin fan dit jier komt er ek út op vinyl, op de âlderwetske elpee. En dat wat fansels wat in jongensdream. As it meisit is dy LP der ein novimber. De opnames binne makke yn Ljouwert troch Bonne van der Wal, dy’t ek de miks en mastering dien hat en yn in protte nûmers te hearren is op ferskate ynstruminten en yn de koarkes. Ek Jan de Vries hat meiwurke oan it album en in protte partijen ynspile en songen. (Steel)gitarist Tim Birkenholz en drummer Peter ten Wolde hawwe moaie bydragen levere en sels bin ik tige ynnommen mei it risseltaat. Meikoarten is de cd (en letter de LP) ek te keap/te bestellen ûnder oaren ek fia dizze site.