Premjère teater-lietsjesprogramma ’70!!’
13 januari, 2024 @ 20:15 - 22:30
Yn de Noorderkerkzaal fan it Theater Sneek is de premjère fan myn nije teater-lietsjesprogramma ‘7o!!’.
Yn febrewaris 2024 wurdt ik 70 jier en dat feit wol ik fansels graach fiere mei myn publyk. En dus binne de optredens yn dizze nije toer eins allegear jierdeisfeestjes dêr’t jimme te gast wêze kinne. En hoe giet it meastentiids op jierdeisfeestjes? Der wurde ferhalen ferteld en anekdoates dy’t geandewei de jûn miskien wol hieltyd sterker en út en troch ek wol mankeliker wurde. En dat dan allegear as omlisting fan lietsjes; nije lietsjes, spesjaal foar dit programma skreaun, mar ek bekend en dus wat âlder repertoire, sis mar in soarte fan ‘greatest hits’.